Ukens rødlisteart
Kystkantlav

Kystkantlav er ein fuktkrevande epifyttisk lav med ei klar oseanisk utbreiing. Den er funnen frå Boknafjorden i Rogaland til sørlegaste delen av Nordland. Arten vert rekna å tilhøyre regnskogartane og kan brukast som skiljeart mot mindre humide skogar.

Kystkantlav er oppført i raudlista som sterkt truga (EN) og er sjeldan i heile utbreiingsområdet og vanlegvis finst det berre nokre få individ på kvar lokalitet. I siste raudlista vert det oppgjeve å vere i snitt to individ per lokalitet. Arten vert oftast funne på treslag med middels rik og glatt bark. I Noreg er kystkantlav registrert på gråor, rogn, selje, hassel og hegg, der den først nemnde er den heilt klart føretrekte verten.

Som nemnd ovanfor veks det oftast berre nokre få individ på kvar lokalitet, men det finst nokre få unntak. På ein handfull lokalitetar finst det rikare populasjonar av arten. Det som er felles for alle desse er dei består av fuktig gråordominert skog nær elvar og bekker. Det er for tida kjend fem slike lokalitetar (Geir Gaarder opplyst i notat).

I Norsk rødliste vert dei viktigaste truslane mot arten skildra slik «ulike former for hogst, kraftig elgbeite og reduksjon i habitat, både areal og kvalitet.»